ऊर्जा खबर
काठमाडौं । हिम रिभर पावर लिमिटेडले २६ लाख ६० हजार कित्ता साधारण सेयर निष्कासन गर्ने भएको छ । कम्पनीले सिन्धुपाल्चोकमा निर्माणाधीन १६.२६ मेगावाटको लिपिङ खोला जलविद्युत आयोजना प्रभावित स्थानीय र सर्वसाधारणका लागि छुट्याएको साधारण सेयर निष्कासन गर्ने लागेको हो ।
कम्पनीले साधारण सेयर निष्कासन लागि बिक्री प्रबन्धकमा सिद्धार्थ क्यापिटललाई तोकेको छ । कम्पनीले सय रुपैयाँमा अंकित २६ करोड ६० लाख रुपैयाँ बराबरको २६ लाख ६० हजार कित्ता साधारण सेयर निष्कासन गर्न लागेको हो ।
जारी पूँजीको २० प्रतिशत सेयर निष्कासन गर्ने तयारी गरेको कम्पनीले जनाएको छ । कम्पनीका अनुसार १३ लाख ३० हजार कित्ता आयोजना प्रभावित बासिन्दाका लागि छुटयाइएको छ ।
यस्तै, बाँकी सेयर दोस्रो चरणमा सर्वसाधारणका लागि निष्कासन गरिनेछ । कम्पनीले सिन्धुपाल्चोकको भोटेकोसी गाउँपालिकामा लिपिङ खोला निर्माण गरिरहेको छ । आयोजनाको ६५ प्रतिशत काम सम्पन्न भइसकेको छ ।
