ऊर्जा खबर
काठमाडौँ । स्वतन्त्र ऊर्जा उत्पादकहरूको संस्था, नेपाल (इपान)ले जलसरोकार डटकमका प्रधानसम्पादक विकास थापालाई सम्मान गरेको छ । इपानले २४औं वार्षिकत्सवको अवसरमा वरिष्ठ ऊर्जा तथा जलस्रोत पत्रकार थापालाई सम्मान गरेको हो ।
बिहीबार काठमाडौँमा आयोजित वार्षिकत्सव समारोहमा उपप्रधान तथा गृहमन्त्री नारायणकाजी श्रेष्ठले थापालाई सम्मान गरेका हुन् । थापाले झण्डै तीन दशक लामो पत्रकारीतामार्फत ऊर्जा तथा जलस्रोत क्षेत्रमा गरेको महत्वपूर्ण योगदानको कदर स्वरुप इपानले सम्मान गरेको हो ।
करिब २ दशकअघि कान्तिपुर दैनिकबाट पत्रकारीता सुरु गरेका थापा अहिले जलसरोकार डटकमका प्रधान सम्पादक हुन् । उनले कान्तिपुर दैनिकमा डेढ दशक पत्रकारीता गरेका थिए । कान्तिपुर, अन्नपूर्ण पोष्ट दैनिक, इ–कागज हुँदै उनी हाल जलसरोकार डटकममा सम्पादकीय समूहको नेतृत्व गरिरहेका छन् । जल तथा ऊर्जा क्षेत्रका विषयवस्तु समेटेर उनले ‘नेपालमा जलविद्युत’ नामको पुस्तक समेत प्रकाशित गरेका छन् ।
