ऊर्जा खबर
काठमाडौं । राप्ती हाइड्रो एण्ड जनरल कन्स्ट्रक्सन लिमिटेड र दोर्दी खोला जलविद्युत कम्पनी लिमिटेडले हकप्रद सेयर निष्कासन गर्ने भएका छन् । दुवै कम्पनीको भदौ २८ गते बसेको सञ्चालक समितिको बैंठकले आफ्ना सेयरधनी सदस्यका लागि हकप्रद सेयर निष्कासन गर्ने निर्णय गरेका हुन् ।
राप्ती हाइड्रो एण्ड जनरल कन्स्ट्रक्सनले ६१ लाख २७ हजार ९ सय ३८ कित्ता हकप्रद सेयर निष्कासन गर्ने तयारी गरेको छ । कम्पनीले १०० प्रतिशतका दरले हुन आउने १ः१ को अनुपातमा हकप्रद सेयर निष्कासन गर्न लागेको हो ।
कम्पनीले ५ मेगावाटको रुकुमगाड जलविद्युत आयोजना निर्माण गरिरहेको छ । आयोजनाको काम सम्पन गर्न १ अर्ब रुपैयाँ लागत अनुमान गरिएको छ । आयोजनाको प्राइम बैंकको अगुवाईमा सेन्चुरी र कुमारी बैंकले ७० प्रतिशत ऋण लगानी गरेका छन् र बाँकी स्वपुँजी लगानी छ ।
यसैगरी, दोर्दी खोला जलविद्युतले १ करोड ५ लाख ४२ हजार ६ सय ४ कित्ताँ हकप्रद सेयर निष्कासन गर्ने निर्णय गरेको छ । कम्पनीले १०० प्रतिशतका दरले हुन आउने १ः१ का अनुपातमा हकप्रद सेयर निष्कासन गर्ने तयारी गरेको हो । कम्पनीले लमजुमङको दोर्दी खोलामा २७ मेगावाटको दोर्दी खोला जलविद्युत आयोजना सञ्चालन गरिरहेको छ ।
