ऊर्जा खबर
काठमाडौं । एसियन हाइड्रो पावर कम्पनीले ११ लाख ८० हजार कित्ता साधारण सेयर निष्कासन गर्ने भएकाे छ । कम्पनीले इलाममा सञ्चालित ६.२ मेगावाटको तल्लो जोगमाई जलविद्युत केन्द्रको स्थानीय र सर्वसाधारणका लागि छुट्याएको साधारण सेयर निष्कासन गर्न लागेको हो ।
सय रुपैयाँमा अंकित ११ करोड ८० लाख रुपैयाँ बराबरको साधारण सेयर निष्कासन गर्न लागिएको कम्पनीले जनाएको छ । कम्पनीका अनुसार सेयर निष्कासन अनुमतिका लागि नेपाल धितोपत्र बोर्डमा आवेदन पेश गरिएको छ ।
बोर्डले अनुमति दिने लगतै पहिलो चरणमा आयोजना प्रभावित स्थानीयका लागि छुट्याएको सेयर निष्कासन गरी बाँडफाँड गरिनेछ । दोस्रो चरणमा सर्वसाधारणका लागि सेयर निष्कासन गरिनेछ ।
कम्पनीले सेयर निष्कासन गरी बाँडफाँड गर्न एनएमबी क्यापिटल लिमिटेडलाई बिक्री प्रबन्धक तोकेको छ । कम्पनीले प्रदेश नम्बर १ को इलाममा निर्माण सम्पन्न गरेको आयोजनाले गत मंसिर ३ गतेदेखि व्यापारिक उत्पादन सुरु गरेको छ । .आयाजनाको विद्युत १३२ केभी काबेली कोरिडोरको गोदक सबस्टेसनमा जोडिएको छ ।
.jpg)
