ऊर्जा खबर
काठमाडौँ । ४४ मेगावाटको बकान खोला आंशिक जलाशय जलविद्युत् आयोजना निर्माण हुने भएको छ । आयोजना अघि बढाउन प्रवर्द्धक कम्पनी समिट इनर्जी सोलुशन प्रालिले वातावरण प्रभाव मूल्यांकन प्रतिवेदन (इआइए) रिपोर्टसमेत तयार पारिसकेको छ । उक्त प्रतिवेदन सार्वजनिक गर्दै वन तथा वातावरण मन्त्रालयले सुझाव आह्वानसमेत गरिसकेकाे छ ।
संखुवासभाकाे स्थानीय बकान खोलामा निर्माण गरिने प्रस्तावित आयोजनाको बाँध (हेड वर्क्स) क्षेत्र र विद्युत् गृह भोटखोला गाउँपालिका–२ मा रहने छ ।
दैनिक २.१ घण्टा पिकिङ इनर्जी उत्पादन हुने आयोजनाको डिजाइन डिस्चार्ज ५.१५ क्युसेक रहेको छ । १०५२ मिटर लामो हेडरेस रहने आयोजनाबाट वार्षिक औषत २५७.६७ गिगागाट आवर ऊर्जा उत्पादन हुने छ । विद्युत्गृहमा २ वटा उत्पादन युनिट रहने छन् ।
आयोजनाको बिजुली २२० केभी ५५ किलोमिटर लामो प्रसारण लाइनमार्फत सितलपाटी सबस्टेशनमा जोडिने छ । आयोजनामा पुग्न १५ किलोमिटर लामो पहुँच मार्ग रहने छ ।
निर्माण सुरु गरेको ५ वर्षमा पूरा हुने अपेक्षा गरिएको आयोजनाको कुल लागत ६ अर्ब ९४ करोड ६४ लाख रुपैयाँ अनुमान गरिएको छ । त्यस्तै, प्रतिमेगावाट लागत १५ करोड ७८ लाख ७४ हजार रुपैयाँ अनुमान गरिएको छ ।
.jpg)
