ऊर्जा खबर
काठमाडौं । सागरमाथा जलविद्युत कम्पनी लिमिटेडको सेयर आवेदन दिने आज अन्तिम दिन हो । कम्पनीले माघ ५ गतेदेखि स्थानीयका लागि खुल्ला गरेको सेयर आवेदन अवधि आज साझ ५ बजेबाट सकिन लागेको हो ।
जारी पूँजीको १ अर्ब १२ करोड रुपैयाँको १० प्रतिशत अर्थात ११ करोड २० लाख कित्ता रकम बराबरको सय रुपैयाँ अंकित ११ लाख २० हजार कित्ता इलाम जिल्लाकाे आयोजना प्रभावित स्थानीयका लागि निष्कासन गरेको कम्पनीले जनाएको छ । कम्पनीका अनुसार प्रभावित स्थानीयले न्यूनत्तम १० कित्ता देखि अधिकत्तम १० हजार कित्ता सम्म आवेदन दिन पाउनेछन् ।
कम्पनीको सेयर निष्कासन गरी बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकिएको छ । कम्पनीको इलाममा ९.६ मेगावाटको सुपरमाई ‘ए’ जलविद्युत आयोजना सञ्चालनमा छ ।
