ऊर्जा खबर
काठमाडौँ । बैतडीको पाटनस्थित सुर्नयागाड जलविद्युत् आयोजना सञ्चालनमा आएको छ । दुई सय किलोवाट क्षमताको सुर्नयागाड मंगलबारदेखि सञ्चालनमा आएको हो ।
२०७९ जेठ १४ गतेदेखि पूर्ण रूपमा बन्द भएको विद्युत्गृहको मर्मत संभार गरी मंगलबारदेखि सञ्चालनमा ल्याएको नेपाल विद्युत् प्राधिकरण बैतडी वितरण केन्द्रले जानकारी दिएको छ । अहिले मर्मत गरेर परीक्षणका लागी दैनिक करिब एक घण्टा पाटन बजारमा विद्युत आपुर्ति गरिएको छ ।
अहिले यो विद्युत् गृहबाट १०० किलोवाट विद्युत् उत्पादन भइरहेको छ । सिँचाई तथा विद्युत् उत्पादन एकै नहरबाट गर्नुपर्ने भएकाले अहिलेलाई दैनिक रुपमा करिब ४/५ घण्टा मात्र विद्युत् उत्पादन हुने जनाइएको छ ।
यो विद्युत्गृह सञ्चालनमा आएपछि पाटन क्षेत्रमा सहज र भरपर्दो विद्युत् आपूर्ति हुनेछ ।
.jpg)
