ऊर्जा खबर
काठमाडौं । पिपुल्स हाइड्रो पावर कम्पनी लिमिटेडको सेयर आवेद दिने अन्तिम दिन हो । कम्पनीले आयोजना प्रभावित स्थानीयका लागि भदौ ३१ गतेदेखि खुल्ला गरेको सेयर आवेदन अवधि आज साझ ५ बजेबाट सकिन लागेको हो ।
कम्पनीले जारी पूँजी ३ अर्ब २० करोडको २५ प्रतिशत अर्थात ८० करोड रुपैयाँ बराबरको सय रुपैयाँ अंकित ८० लाख कित्ता सेयर निष्कासन गरेको कम्पनीले जनाएको छ । कम्पनीका अनुसार प्रभावित क्षेत्रका स्थानीयका लागि जारी पूँजीको २० प्रतिशत अर्थात ३२ लाख कित्ता, अति प्रभावित क्षेत्र दोर्दी गाउँपालिकाका वडाँ नम्बर ६ र ७ (तत्कालिन ढोढेनी र फलेनी गाविस) का स्थानीय बासिन्दाका लागि ३० प्रतिशत अर्थात ९ लाख ६० हजार कित्ता र लमजुङ जिल्लाको स्थानीय बासिन्दाका लागि ७० प्रतिशत अर्थात २२ लाख ४० हजार कित्ता सेयर निष्कासन गरिएको हो ।
स्थानीयले न्यूनतम १० कित्ता देखि अधिकत्तम १ लाख कित्ता सम्म आवेदन दिन पाउने पाउँनेछन् । कम्पनीले सेयर निष्कासन गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक तोकिएको छ ।
लगानीकर्ताले ग्लोबल आइएमी बैंकको दोर्दी र भोर्लेटार तथा हिलेका एक्टेन्सन, एनएमबी बैंकको भोटेवडा शाखा, सिद्धार्थ, बैंकको बेसीशहर शाखा र सिभिल बैंकको भुलभुले शाखाबाट आवेदन दिन सक्नेछन् ।
कम्पनीको लमजुङमा ५४ मेगावाटको सुपर दोर्दी ‘ख’ जलविद्युत आयोजना निर्माणाधीन छन् । कम्पनीले निर्माण आवधिको ब्याज सहित प्रति मेगावाट लागत १९ करोड २४ लाख ७ हजार ४ सय ७ रुपैयाँ तथा कुल लागत १० अर्ब ३९ करोड अनुमान गरिएको छ ।
