ऊर्जा खबर
काठमाडौं । अप्पर स्याङ्गे हाइड्रो पावर लिमिटेडको सेयर आवेदन खुल्ला भएको छ । कम्पनीले आयोजना प्रभावित स्थानीय र वैदेशिक रोजगारीमा गएका नेपाली नागरिकका लागि छुट्याएको सेयर निष्कासन गर्न लगेको हो ।
जारी पूँजी २२ करोड मध्येको १० प्रतिशत अर्थात २ करोड २० लाख रुपैयाँ बराबरको २ लाख २० हजार कित्ता सेयर निष्कासन गर्न लागेको कम्पनीले जनाएको छ । कम्पनीका अनुसार आयोजना प्रभावित क्षेत्र लमजुङ जिल्लाको मर्स्याङदी गाउँपालिका (साविक घनपोखरा गाविस वडा नम्बर १ र २ खुदी गाविस वडा नम्बर ३, ताघ्रिङ गाविस वडा नम्बर ४, घरेमु गाविस वडा नम्बर ५, बाहुन डाँडाँ गाविस वडा नम्बर ६, भुलभुले गाविस वडा नम्बर ७ र ८ र सिमपानी गाविस वडा नम्बर ९ का बासिन्दाहरूका लागि निष्कासन गरिएको हो ।
बाँकी २९.५५ प्रतिशत अर्थात ६ करोड ५० लाख रुपैयाँ बराबरको ६ लाख ५० हजार कित्ता साधारण सेयरको १० प्रतिशत अर्थात ६५ हजार कित्ता सेयर वैदेशिक रोजागारीमा गएका नेपाली नागरिकका लागि बिक्री खुल्ला गरेको कम्पनीले जनाएको छ ।
स्थानीयले न्यूनतम १० कित्तादेखि अधिकतम १ लाख कित्ता सम्म र वैदेशिक रोजगारीमा गएका नेपाली नागरिककले न्यूनतम १० कित्तादेखि अधिकतम ५० हजार कित्ता सम्म आवेदन दिन सकिनेछ ।
प्रभावित स्थानीयले छिटोमा जेठ १६ गतेसम्म र ढिलोमा ३० गतेसम्म आवेदन सक्नेछन भने वैदेशिक रोजगारीमा गएका नेपाली नागरिकले जेठ १६ गतेसम्म मात्र आवेदन दिन सक्नेछन् । कम्पनीको सेयर निष्कासन गरी बाँडफाँड गर्न सिद्धार्थ क्यापिटल लिमिटेडलाई बिक्री प्रबन्धक तोकिएको छ ।
.jpg)
