ऊर्जा खबर
काठमाडौं । रसुवामा २२.१ मेगावाटकाे चिलिमे जलिवद्ययुत्गृह सञ्चालन गरिरहेकाे चिलिमे हाइड्राे पावर कम्पनीले चालू आर्थिक वर्षको ६ महिनामा ३९ करोड २४ लाख ४५ हजार रुपैयाँ खुद नाफा कमाएकाे छ । गत आवको साेही अवधिमा कम्पनीको नाफा ३९ करोड ६६ लाख ३९ हजार थियो ।
चालू आवकाे ६ महिनामा कमाएकाे नाफा गत आवकाे तुलनामा करिब ४२ लाख रुपैयाँ कम हाे । जुन १.०५७ प्रतिशतले कमी हुन आउँछ । चालू वर्षकाे यस अवधिमा कम्पनीले ६३ करोड ९९ लाख २१ हजार रुपैयाँ विद्युत बिक्रीबाट आम्दानी गरेको छ । जुन गत आवमा ६१ करोड ८६ लाख ६३ हजार रहेको थियो ।
कम्पनीले विद्युत् बिक्रीबाट हुने आम्दानी भने बढाएकाे देखिन्छ । यस वर्ष विद्युत बिक्रीबाट हुने आम्दानी गत वर्षभन्दा ३.४४ प्रतिशत बढी भएको देखिएकाे छ । १० प्रतिशत बोनस शेयर दिने निर्णय गरेपछि कम्पनीको चुक्तापुँजी करिब ६.२८ करोड रुपैयाँ पुगेकाे छ ।
कम्पनीको जगेडा कोष रकम गत वर्षभन्दा ९.९८ प्रतिशत कम ३ अर्ब ५५ करोड २ लाख ८६ हजार रुपैयाँ रहेको छ । कम्पनीको प्रतिशेयर आम्दानी १२.५० रुपैयाँ र प्रतिशेयर नेटवर्थ १५६.५३ रुपैयाँ छ ।
.jpg)
