मोलुङ खोला हाइड्रोको ३५ लाख कित्ता सेयर निष्कासन गर्न बोर्डको अनुमति 

काठमाडौं । ओखलढुंगामा ७ मेगावाटको मोलुङ खोला जलविद्युत आयोजना निर्माण गरी सञ्चालनमा ल्याएको मोलुङ्ग हाइड्रो पावर कम्पनी लिमिटेडले नेपाल धितोपत्र बोर्ड (सेबन) बाट सेयर निष्कासन गर्ने अनुमति पाएको छ । कम्पनीले मंसिर १५ गते (बिहीबार) उक्त सेयर निष्कासनका लागि अनुमाति पाएको हो । 

सय रुपैयाँ अंकित ३५ करोड ३१ लाख बराबरको ३५ लाख ३१ हजार कित्ता सेयर निष्कासन गर्न लागेको कम्पनीले जनाएको छ । कम्पनीका अनुसार पहिलो चरणमा प्रभावित स्थानीयका लागि सेयर निष्कासन गर्नेछ र दोस्रो चरणमा सर्वसाधरणका लागि निष्कासन गरिनेछ । 

कम्पनीको सेयर निष्कासन गरी बाँडफाँड गर्न सनराइज क्यापिटल लिमिटेडलाई बिक्री प्रबन्धक तोकिएको छ । कम्पनीको ओखलढुंगामा ७ मेगावाटको मोलुङ्ग खोला जलविद्युत केन्द्रले २०७४ चैत्र १२ गतेदेखि निरन्तर विद्युत उत्पादन गरिरहेको छ ।