बरुण हाइड्रोको हकप्रद सेयर आवेदन दिने आज अन्तिम दिन

काठमाडौं । संखुवासभा जिल्लाकाे हेवा खाेलामा ४.५ मेगावाटको हेवा खोला जलविद्युत आयोजना निर्माण गरी सञ्चालनमा ल्याएको बरुण हाइड्रो पावर कम्पनी लिमिटेडको हकप्रद सेयर आवेदन दिने आज अन्तिम दिन हो । कम्पनीले संस्थापक तथा आफ्ना सेयरधनी सदस्यहरुका लागि भदौ ६ गते देखि खुल्ला गरेको सेयर आवेदन अवधि आज (शुक्रबार) साँझ ५ बजेबाट सकिन लागेको हो ।

 सय रुपैयाँ अंकित २६ करोड ७९ लाख ७ हजार ५ सय रुपैयाँ बराबरको २६ लाख ७९ हजार ७५ कित्ता हकप्रद सेयर निष्कासन गरेको कम्पनीले जनाएको छ । कम्पनीका अनुसार सेयरधनीहरुका लागि १ सेयर बराबर १ः१ को अनुपातमा सेयर निष्कासन गरिएको हो । 

कम्पनीको सेयर निष्कासन गरी बाँडफाँड गर्न आरविवि मर्चेन्ट बैकिङग् लिमिटेडलाई बिक्री प्रबन्धक तोकिएको छ । संखुवासभामा ४.५ मेगावाटको हेवा खोला जलविद्युत आयोजना सञ्चालनमा छ । हेवा खोलाले २०६८ साउन २१ गतेदेखि नियमित विद्युत उत्पादन गरिरहेको कम्पनीले जनाएको छ ।