ऊर्जा खबर
काठमाडौं । पिपुल्स पावर कम्पनी लिमिटेडको सेयर आवेदन खुल्ला भएको छ । कम्पनीले इलाममा निर्माणाधीन ४.९६ मेगावाटको पुवा खोला जलविद्युत आयोनाले सर्वसाधारणका लागि छुट्याएको साधारण सेयर आवेदन खुल्ला गरेको हो ।
सय रुपैयाँ अंकित २४ करोड ६७ लाख ४० हजार रुपैयाँ बराबरको २४ लाख ६७ हजार ४०० कित्ता सेयर निष्कासन गरेको कम्पनीले जनाएको छ । कम्पनीको अनुसार निष्कासित सेयरमध्ये २ प्रतिशत हुन आउने अर्थात ४९ हजार ३ सय ४८ कित्ता सेयर कम्पनीको कर्मचारीको लागि र ५ प्रतिशत हुन आउने अर्थात १ लाख २३ हजार ३ सय ७० कित्ता सेयर सामूहिक लगानी कोषकाृ लागि बाँडफाँड गरिएको छ ।
बाँकी रहेको २२ लाख ९४ हजार ६ सय ८२ कित्ता सेयर सर्वसाधारणका लागि निष्कासन गरिएको छ ।
सर्वसधारणले छिटोमा भदौ ५ गतेसम्म र ढिलोमा भदौ १४ गतेसम्म आवेदन दिन सक्नेछन् । आवेदकले न्यूनतम १० कित्तादेखि अधिकतम ५० हजार कित्तासम्म आवेदन दिन पाउँनेछन् ।
कम्पनीको सेयर निष्कासन गरी बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकिएको छ । कम्पनीको ४.९६ मेगावाटको पुवा खोला जलविद्युत आयोजना निर्माणधीन छ ।
