ऊर्जा खबर
काठमाडौं । विद्युत नियमन आयोगले बाराही हाइड्रो पावर पब्लिक लिमिटेडलाई हकप्रद सेयर निष्कासन गर्न अनुमति दिएको छ । आयोगले आज (३१ गते) आइतबार कम्पनीलाई हकप्रद सेयर निष्कासन गर्न अनुमति दिएको हो ।
कम्पनीकाे ५१ प्रतिशत सेयर रहेकाे सिंकाेस खाेला र कम्पनीकाे स्वामित्व रहने तल्लो ठेउले खोलाकाे निर्माणका लागि हाल कायम चुक्त पूँजीको १ः१ को अनुपातका हकप्रद सेयर निष्कासन गर्न लागेकाे कम्पनीले जनाएकाे छ ।
कम्पनीले ३.४५ मेगावाटको सिंकोस खोला जलविद्युत आयोजना र कम्पनीको स्वामित्वमा रहेको ०.७५ मेगावाटको तल्लो ठेउले खोला जलविद्युत (क्यास्केड) आयोजनामा लगानी गर्न हकप्रद सेयर निष्कासन गर्न लागेको कम्पनीले जनाएको छ । कम्पनीले यी दुई आयोजनमा लगानी गर्न १ः१ को अनुपातमा सेयर निष्कासन गर्न लागेको हो ।
कम्पनीले बाग्लुङ जिल्लाको कुस्मिसेरामा १.५ मेगावाटको ठेउले खोला जलविद्युत आयोजना सञ्चालन गरिरहेको छ । निर्माण सम्पन्न आयोजनाले २०७५ असार २४ गतेदेखि निरन्तर विद्युत उत्पदन गरिरहेको छ ।
.jpg)
