ऊर्जा खबर
काठमाडौँ । डेडिकेटेड र ट्रङ्क लाइनको महसुल विवादबारे छानविन गर्न गठित उच्चस्तरीय आयोगमा नियुक्ति पाएका दुई सदस्यलाई पद तथा गोपनीयताको सपथ ग्रहण गराइएको छ । आयोगका अध्यक्ष पूर्वन्यायाधीश गिरिशचन्द्रलालले नवनियुक्त सदस्यहरूलाई शपथ ग्रहण गराइएको हो ।
ऊर्जा, जलस्रोत तथा सिँचाइ मन्त्रालयमा मन्त्री शक्रिबहादुर बस्नेतको उपस्थितिमा जलस्रोत तथा सिँचाइ सचिव सरिता दुवाडी र उद्योग वाणिज्य तथा आपूर्ति मनत्रालयका वाणिज्य सचिव दिनेशकुमार घिमिरेलाई पद तथा गोपनीयताको शपथ गराएका हुन् ।
आयोगका सदस्य रहेका जलस्रोत तथा सिँचाइ सचिव सुशीलचन्द्र तिवारी ऊर्जा सचिवमा सरुवा भएपछि उनको स्थानमा जलस्रोत तथा सिँचाइ सचिव दुवाडीलाई सदस्य बनाइएको हो । त्यस्तै, वाणिज्य सचिव नारायणप्रसाद शर्मा दुवाडीको स्थानमा दिनेशकुमार घिमिरेलाई आयोगको सदस्य बनाइएको छ ।
गत पुस २४ गते सरकारले सर्वोच्च अदालतका पूर्वन्यायाधीश लालको अध्यक्षतामा तीन सदस्यीय छानबिन आयोग गठन गरेको थियो । चैत ३० सरकारले आयोगको म्याद १ महिना थप गरेको छ ।
.jpg)