ऊर्जा दक्षताकाे प्रवर्द्धन गर्न वैकल्पिक ऊर्जा र तिलगंगाबीच सम्झौता

काठमाडौं । वैकल्पिक ऊर्जा प्रवर्द्धन केन्द्र र नेपाल आँखा कार्याक्रम, तिलगंगा आँखा प्रतिष्ठानबीच सम्झौता भएको छ । ऊर्जा दक्षताको प्रवर्द्धन तथा आधुनिक ऊर्जा प्रविधिको प्रयोगमा बढावा दिन सम्झौता भएको हो ।

सम्झौतापत्रमा केन्द्रका तर्फबाट कार्यकारी निर्देशक डा. मधुसुधन अधिकारी र प्रतिष्ठानका तर्फबाट डा. रीता गुरुङले हस्ताक्षर गरे । सम्झौता अनुसार प्रतिष्ठानको ऊर्जा दक्षताको प्रवर्द्धन वृद्धिका लागि आवश्यक प्राविधिक सहयोग गर्नेछ । आधुनिक ऊर्जा प्रविधिको प्रयोगमा बढावा दिई हरित ऊर्जा अर्थतन्त्र विकासमा योगदान पुर्याउनेछ ।

सम्झौता कार्यक्रममा प्रतिष्ठानका सञ्चालक समितिका सचिव प्रा.डा. सन्द्क रुइत लगायत अन्य पदाधिकारीसँग छलफल समेत भएको छ । मानव जगतको सेवामा समर्पित तिलगंगा आँखा प्रतिष्ठानलाई यस कार्यबाट हुने ऊर्जा तथा आर्थिक बचतबाट आँखा सम्बन्धि अनुकरणीय कार्यको लागि थप सहयोग हुनेछ ।

प्रतिष्ठानले ऊर्जा दक्षता सम्बन्धि सुधारका कार्यक्रमहरू अनवरत रुपमा प्रवद्र्धन गर्ने उदेश्य लिएको छ । केन्द्रले पनि ऊर्जा प्रवद्र्धनलाई उच्च प्राथमिकतामा राखि विभिन्न कार्यक्रमहरू गर्दै आएको छ ।