प्राधिकरणले एकै पटक ४४ कर्मचारीहरूको सरुवा गर्याे

काठमाडौं । नेपाल विद्युत प्राधिकरणले १६ इलेक्ट्रिकल इन्जिनियरसहित ४४ कर्मचारीको सरुवा गरेको छ । प्राधिकरणले फागुन ३० गतेको उपकार्यकारी निर्देशक स्तरीय निर्णय अनुसार विभिन्न कार्यलयमा कार्यरत कर्मचारीको सरुवा गरेको हो ।

प्राधिकरण सेवा सर्त विनियमावली २०७५ को विनिमय ५० (१) ख तथा ५१ (२) मा भएको व्यवस्था बमोजिम कर्मचारीको सरुवा गरेको प्राधिकरणले जनाएको छ । सरुवा हुनेमा ७ तहका १६ इलेक्ट्रिकल इन्जिनियर रहेका छन् । यस्तै, ६ तहका ४ जना सहायक इलेक्ट्रिकल इन्जिनियर, एक जना सहायक प्रशासन अधिकृतकाे सरूवा गरिएकाे छ । ५ तहका ३ जना मि.रि.सु.भा, २ जना लेखापाल र ३ जना इलेक्ट्रिकल सुपरभाइजरको सरुवा गरिएको छ । 

यस्तै, ४ तहका ५ जना सि.मि.री, ३ जना सहायक लेखापाला, २ जना इलेक्ट्रिकल फोरमेनको सरुवा गरिएको छ । २ तहका ३ जना इलेक्ट्रिकल हेल्पर र १ तहका २ जना जुनियर इलेक्ट्रिकल हेल्परको सरुवा गरिएको प्राधिकरणले जनाएको छ ।