ऊर्जा खबर
काठमाडौं । कस्मिक एलेक्ट्रिकल इन्जिनियरिङ एसोसिएट प्रालिले पूर्वका दुई जिल्लामा दुई वटा सबस्टेसनसनको निर्माण सम्पन्न गरेको छ । संखुवासभाकाे तुम्लिङटार र धनकुटाकाे हिलेमा सबस्टेसन निर्माण गरिएको हो ।
६/८ एमभिएकाे ३३/११ केभी हिले र तुल्मिङटार सबस्टेसनकाे काम करिब १९ महिनामा सम्पन्न भएको आयाेजनाका इन्जिनियर सैलश यादवले जानकारी दिए । उनका अनुसार विगत २२ वर्षदेखि विद्युुतीकरण, सबस्टेसन तथा प्रसारण लाइन निर्माण गर्दै आएको कम्पनीले यसअघि पनि सयाैं आयोजनाहरू निर्माण गरिसकेको जनाइएकाे छ ।
यस सबस्टेसनको निर्माणसँगै संखुवासभा र धनकुटाका सर्वसाधारणले गुणस्तरीय विद्युत सेवा पाउने, भोल्टेजमा स्थिरता हुने, प्रसारण लाइनमा चुहावट घट्ने र प्रसारण क्षमता सुधार हुने कम्पनीकाे दाबी छ ।
