हिमाल दोलखामा रोजगारी खुल्यो, असार २ गतेसम्म आवेदन दिन सकिने

काठमाडौं । हिमाल दोलखा हाइड्रो पावर कम्पनीमा रोजगारीको अवसर खुलेको छ । कम्पनीले इलाममा सञ्चालित जलविद्युत केन्द्रमा खटाउने ४ कर्मचारी माग गरेको हो ।

जिल्लाको माई खोलामा सञ्चालनमा रहेका जलविद्युत आयोजनाको पावरहाउसमा मेसिन सञ्चालन गर्नका लागि ४ जना मेसिन अपरेटरकाे रिक्त पदपूर्ति गर्न आवेदन खुलाएको कम्पनीले जनाएको छ । कम्पनीका अनुसार इच्छुकले आगामी ७ दिनभित्र (असार २ गते) आवेदन दिइसक्नु पर्नेछ ।

इच्छुक व्यक्तिले नेपाली नागरिकताको प्रमाणपत्र, पासपोर्ट साइजको फोटो र आवश्यक कागजात सहित आवेदन दिन सक्नेछन् । यसका लागि १८ वर्ष पूरा भई ४० वर्ष ननाघेको र विद्युतगृह सञ्चालन सम्बन्धि प्राविधिक ज्ञान भएको हुनुपर्ने कम्पनीले जनाएको छ । आवेदकले आवेदनसँगै आकाश चौधरीलाई मोबाईल नम्बर ९८४२०३१११४ र ९८५१०८५९२२ मा सम्पर्क गर्नसक्नेछन् ।

कम्पनीले निर्माण गरेका साढे ४ मेगावाटको माईखोला र ८ मेगावाटको माई साना क्यासकेड आयोजनाबाट विद्युत उत्पादन भइरहेको छ । माई खोलाले २०६४ माघ १४ गते र माई साना क्यासकेडले २०७४ चैत्र २६ गतेदेखि व्यापारिक उत्पादन सुरु गरेका हुन् ।