ऊर्जा खबर
काठमाडौँ । भोटेकोसी बाढीपछि रसुवागढी जलविद्युत् केन्द्रबाट सम्पर्कविहीन ९३ जनाको खोजी कार्य सुरु गरिएको छ । यसका लागि नेपाली सेना, आयोजनाका उपकरणसहित उद्धार टोली आयोजनाको विद्युत्गृह पुग्ने पहुँच सुरुङमा पुगेर खोजी सुरु गरेको हो ।
यस आयोजनाकाे पहुँच सुरुङको प्रवेशद्वार बाढीले आंशिकरूपमा पुरेको छ । अवराेध पन्छाउँदै उद्धार टोली ४० मिटरसम्म भित्र प्रवेश गरिसकेकाे र सफा गर्दै अघि बढ्ने उद्धार रणनीति रहेको आयोजनाले जनाएको छ ।
आयोजनाबाट सम्पर्कविहीन हुनेमा रसुवागढी हाइड्रोपावर कम्पनीका ४९ जना कर्मचारी, २ जना ज्यालादारी कर्मचारी तथा निर्माणमा संलग्न विभिन्न कम्पनीका कामदार छन् ।
सुरुङमा फसेका ६ मध्ये ४ जना दुई दिनपछि आफैँ बाहिर निस्कन सफल भएका थिए । उनीहरूलाई नेपाली सेनाले हेलिकोप्टरमार्फत उद्धार गरी काठमाडौँ ल्याएको थियो ।
