ऊर्जा खबर
काठमाडौं । नेपाल आयल निगमले पेट्रोलियम पदार्थको मूल्य बढाएको छ । निगमले शनिबार (आज) राति १२ बजेदेखि लागु हुने गरी पेट्रोल, डिजेल, मट्टितेलको मूल्य बढाएको हो ।
पेट्रोल, डिजेल, मट्टितेलको मूल्य प्रतिलिटर १० रुपैयाँले बढाएको निगमले जनाएको छ । योसँगै पेट्रोलको मूल्य प्रतिलिटर १७० र डिजेल र मट्टितेलको मूल्य प्रतिलिटर १५३ रुपैयाँ पुगेको छ ।
खाना पकाउने एलपी ग्यास र हवाई इन्धनको मूल्य भने बढेको छैन् । मूल्य बढाएपछि पनि निगमलाई पेट्रोलमा प्रतिलिटर १४.३६ रुपैयाँ र डिजेलमा प्रतिलिटर ३१.४४ रुपैइाँ घाटा छ । मूल्य समायोजन पश्चात पनि निगमलाई आगामी १५ दिनमा ४ अर्ब २५ करोड रुपैयाँ घाटा हुने निगमले सार्वजनिक गरेको विज्ञप्तीमा उल्लेख छ ।
