ऊर्जा खबर
काठमाडौं । सगरमाथा जलविद्युत कम्पनी लिमिटेडले चैत ५ गतेदेखि साधारण सेयर निष्कासन गर्ने भएको छ । कम्पनीले सर्वसाधारणका लागि छुट्याएको सेयर निष्कासन गर्न लागेको हो ।
प्रभावित स्थानीय र वैदेशिक रोजगारीमा गएका नेपाली नागरिकका लागि सेयर निष्कासन तथा बाँडफाँड गरी बाँकी रहेको ३५ लाख ८१ हजार ७ सय ६० कित्ता सेयर सर्वसाधारणका लागि निष्कासन गर्न लागेको कम्पनीले जनाएको छ । कम्पनीका अनुसार कम्पनीले पहिलो चरणमा प्रभावित स्थानीय र वैदेशिक रोजगारीमा गएको नेपाली नागरिकका लागि सेयर निष्कासन तथा बाँडफाँड गरी दोस्रो चरणमा सर्वसाधारणका लागि निष्कासन गर्न लागेको हो ।
सर्वसाधारणले न्यूनतम १० कित्ता देखि अधिकतम १० हजार कित्ता सम्म आवेदन दिन पाउनेछन् । आवेदकले छिटोमा चैत १२ गतेसम्म र ढिलोमा २२ गतेसम्म आवेदन दिन सक्नेछन् ।
कम्पनीको सेयर निष्कासन तथा बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकिएको छ । कम्पनीको इलाममा ९.६ मेगावाटको सुपरमाई ‘ए’ जलविद्युत आयोजना सञ्चालनमा छ ।
.jpg)
