ऊर्जा खबर
काठमाडौं । चिलिमे हाइड्रो पावर कम्पनी लिमिटेडले ३९ करोड रुपैयाँ मुनाफा आर्जन गरेको छ । कम्पनीले सार्वजनिक गरेको आर्थिक वर्ष २०७८/७९ को दोस्रो त्रैमासको वित्तीय विवरण अनुसार कम्पनीले सो मुनाफा आर्जन गरेको हो ।
सार्वजनिक वित्तीय विवण अनुसार दोस्रो त्रैमाससम्ममा ३९ करोड ३८ लाख ७३ हजार रुपैयाँ खुद नाफा कमाएको कम्पनीले जनाएको छ । कम्पनीका अनुसार गत वर्षको तुलनामा नाफा घटेको हो । गत वर्ष यही समयअवधिमा ४० करोड १२ लाख ३० हजार रुपैयाँ खुद नाफा कमाएको थियो ।
कम्पनीले यो अवधिमा विद्युत बिक्री गरी ६३ करोड ६५ लाख ५९ हजार रुपैयाँ आम्दानी गरेको छ । कम्पनीको विद्युत बिक्रीबाट गरेको आम्दानी भने गत वर्षको तुलनामा बढेको हो । गत वर्ष ६२ करोड ४८ लाख ९४ हजार रुपैयाँ आम्दानी गरेको थियो ।
यस्तै, कास्कीमा १३ मेगावाटको मद्क्यू खोला जलविद्युत आयोजना निर्माण गरी सञ्चालनमा ल्याएको सिक्लेस हाइड्रो पावर कम्पनी लिमिटेडले बिजुली बेचेर १९ करोड ३३ लाख ३० हजार ६ सय ६३ रुपैयाँ आम्दानी गरेको छ । कम्पनीको खुद नाफा भने ६ करोड ७९ लाख २९ हजार ९ सय १९ रुपैयाँ रहेको छ ।
