ऊर्जा खबर
काठमाडौं । सिन्धुपाल्चाेकमा ३५ मेगावाटकाे न्यासेम खाेला जलविद्युत् आयाेजना निर्माणकाे तयारीमा रहेकाे सीता हाइड्रोपावर कम्पनीले विभिन्न प्राविधिक पदमा कर्मचारी माग गरेको छ ।
कम्पनीका अनुसार २८ कर्मचारीको पदपूर्तिका लागि आयोजना प्रमुख, मेकानिकल इन्जिनियर र इलेक्ट्रिकल इन्जिनियर पदमा १/१ जना कर्मचारी मागेको छ । आयोजना प्रमुखका लागि सिभिल इन्जिनियरिङमा स्नाकोत्तर गरी जलविद्युत आयाेजनामा कम्तीमा ७ वर्षको अनुभव भएको हुनुपर्ने उल्लेख छ ।
मेकानिकल इन्जिनियरको लागि मेकानिकल इन्जिनियरिङमा स्नातक र इलेन्ट्रिकल इन्जिनियरका लागि इलेक्ट्रिकल इन्जिनियरिङमा स्नातक गरेको हुनुपर्नेछ । साथै दुवैका लागि ३ वर्षको अनुभव हुनुपर्ने कम्पनीले जनाएको छ ।
यस्तै, सिभिल इन्जिनियर, व्यवस्थापक, बजार व्यवस्थापक र कार्यालय सहायकका लागि २/२ जना कर्मचारी माग गरेको छ । सिभिल इन्जिनियरका लागि सिभिल इन्जिनियरिङमा स्नातक गरी ३ वर्षको कार्यअनुभव हुनपर्नेछ ।
व्यवस्थापकका लागि बाणिज्य शास्त्रमा स्नातक गरी व्यावसायीक प्रतिष्ठानमा ५ वर्ष काम गरेको हुनुपर्नेछ । बजार व्यवस्थापकका लागि पनि बाणिज्य शास्त्रमा स्नातक गरी ३ वर्षको कार्यनुभव हुनुपर्नेछ । कार्यालय सहायकका लागि १२ कक्षा उत्तिर्ण गरी सम्बन्धित क्षेत्रमा २ वर्षको कार्यानुभव हुनुपर्नेछ ।
एकाउन्टेन्ट पदपूर्ति गर्न ५ कर्मचारी माग गरेको छ । यसका लागि सम्बन्धित विषयमा स्नातक गरी ५ वर्षको अनुभव तथा माइक्रोसफ्ट अफिस र एकाउन्टिङ सफ्टवयरको ज्ञान भएको हुनुपर्नेछ ।
८ जना सहायक एकान्टेन्टको पदपूर्ति गर्न आवेदन मागेको छ । यसका लागि सम्बन्धित विषयमा स्नातक गरी लेखा तथा खरिद सम्बन्धि काममा २ वर्षको अनुभव भएको हुनुपर्नेछ । ४ जना भान्सेको पदपूर्ति गर्न आवेदन खुलाएको छ । यस्तै, कार्यालय सहयोगी पनि मागेको छ ।
योग्यता पुगेका इच्छुक व्यक्तिले आफ्नो वायोडाटा, कार्यानुभवको प्रमाणपत्र र पासपोर्ट साइटको फोटोसहित कम्पनीको इमेल [email protected] मा २०७८ असार १५ गतेभित्र आवेदन दिनुपर्ने गरी सूचना निकालिएकाे छ ।
