ऊर्जा खबर
काठमाडौँ । ऊर्जा, जलस्रोत तथा सिँचाइ मन्त्रालयले ५ जना सहसचिवको जिम्मेवारी हेरफेर गरेको छ । मन्त्रलयको मन्त्रीस्तरीय निर्णयबाट मङ्गलबार ती सहसचिवहरूको जिम्मेवारी हेरफेर गरेको मन्त्रालयका एक अधिकारीले बताएका छन् ।
उनका अनुसार मन्त्रालयको वैदेशिक सहायता महाशाखाका सहसचिव जीवछ मण्डललई बूढीगण्डकी जलविद्युत् पब्लिक लिमिटेड कम्पनीमा सरुवा गरेको छ ।
बूढीगण्डकी जलविद्युत् पब्लिक लिमिटेड कम्पनीबाट सहसचिव चिरञ्जीवी चटौतलाई मन्त्रालयको ऊर्जा महाशाखामा पठाएको छ । ऊर्जा महाशाखाका सहसचिव सन्दीपकुमार देवलाई जल तथा शक्ति आयोगको सचिवलालयको सचिवको जिम्मेवारीमा पठाएको छ । विद्युत् विकास विभागका सहसचिव रागरराज गौतमलाई मन्त्रालयको वैदेशिक सहायता महाशाखामा पठाएको छ ।
त्यस्तै, जल तथा ऊर्जा आयोगको सचिवालयमा रहेका सहसचिव डा. महेश्वर श्रेष्ठलाई नौमुरे बहुउदेश्यीय आयोजना प्रमुखको जिम्मेवारीमा पठाएको छ ।
