ऊर्जा खबर
काठमाडौं । नेपाल विद्युत प्राधिकरण घोराही वितरण केन्द्रले १५ करोड रुपैयाँभन्दा बढी विद्युत महसुल नतिरेको भन्दै सोना सिमेन्टको लाइन काटेको छ । ६ महिनादेखि महसुल नतिरेको र पटक–पटक तिर्न ताकेता गर्दा पनि आलटाल गरेको हुँदा बुधबार (२९ गते) ३ बजेदेखि लाइन काटिएको हो ।
सिमेन्टले ६ महिनादेखिको करिब १५ करोड विद्युत महसुल तिर्न बाँकी रहेको केन्द्रले जनाएको छ । लुम्बिनी प्रदेश नेपालगन्ज डिभिजन प्रमुख हरिप्रसाद पाण्डे आफैं अग्रसर भएर लाइन काटिएको बताइएको छ ।
केन्द्रका अनुसार सिमेन्ट उद्योगले मासिक २ करोड रुपैयाँ बराबरको महसुल भुक्तानी गर्ने गरेको थियो । केन्द्रले उद्योगका लागि तुल्सीपुर उपमहानगरपालिका–१७ मा अवस्थित मुख्य फिडरबाट ट्यापिङ गरेर लाइन दिएको छ । अहिले पनि केन्द्रले समयमै महसुल भुक्तानी गर्न ताकेता गरिरहेको छ ।
