ऊर्जा खबर
काठमाडौं । तेह्रथुम पावर कम्पनी लिमिटेडले खोरुङ्गा ताङमाया खोला जलविद्युत आयोजनामा लगानी जुटाउन हकप्रद सेयर निष्कासन गर्ने भएको छ । कम्पनीले ७.५ मेगावाटको माथिल्लो खोरुङ्गा खोला जलविद्युत केन्द्रको क्यासकेडको रुपमा पहिचान भएको खोरुङ्गा ताङमाया खोला जलविद्युत आयोजना निर्माण गर्न लागेको हो ।
तेह्रथुममा सञ्चालित माथिल्लो खोरुङ्गाको क्यासकेट २ मेगावाटको आयोजना निर्माण गर्न जारी पूँजीको १ः१ को अनुपातलमा हकप्र्रद सेयर निष्कासन गर्ने तयारी गरेको कम्पनीले जनाएको छ । कम्पनीका अनुसार कम्पनीको साधारणसभाले पारित भएपश्चात सेयरधनी सदस्यका लागि सेयर निष्कासन गरी बाँडफाँड गरिनेछ ।
कम्पनीले हकप्रद निष्कासनको लागि विद्युत नियमन आयोगबाट सहमति लिई स्वीकृतीका लागि आगामी साधारण सभामा पेश गर्ने निर्णय गरेको हो । विद्युत नियमन आयोगले स्वीकृति दिएपछि , कम्पनीको आगामी साधारणसभाले पारित गरेपछि र नेपाल धितोपत्र बोर्डले अनुमति दिएपछि कम्पनीले हकप्रद निष्कासन गर्ने कम्पनीले जनाएको छ ।
