ऊर्जा खबर
काठमाडौं । अपि पावर कम्पनी लिमिटेडले विद्युत नियमन आयोगबाट हकप्रद सेयर निष्कासनको लागि पूर्व स्वीकृति पाएको छ । आयोगले फागुन २६ (शुक्रबार) हकप्रद सेयर निष्कासनको लागि स्वीकृति दिएको हो ।
कम्पनीले २०७९ फागुन १७ गते हकप्रद सेयर निष्कासनका लागि स्वीकृति माग गर्दै आवेदन दिएको थियो । सोहीअनुसार कम्पनीलाई सेयर निष्कासन अनुमति दिएको हो ।
कम्पनीको आर्थिक वर्ष (आव) २०७७/७८ को चुक्ता पूँजी ४१३.३२ करोडको एक बरारबर ०.४० प्रतिशतले हुन आउने अर्थात १६५.३२ करोड रकम बराबरको सय रुपैयाँ अंकित १ करोड ६५ लाख ३३ हजार १३७ कित्ता हकप्रद सेयर निष्कासन गर्न अनुमति पाएको हो ।
कम्पनीको दार्चुलामा निर्माण सम्पन्न ८.५ मेगावाटको नौगड गाढ र ८ मेगावाटको माथिल्लो नौगड गाड जलविद्युत आयोजनाले निरन्तर विद्युत उत्पादन गरिरहेका छन । साथै, सोही जिल्लामा ४० मेगावाटको माथिल्लो चमेलिया निर्माणाधीन छ ।
