ऊर्जा खबर
.jpg)
काठमाडौं । सर्वसाधारणले रावा इनर्जी डेभलपमेन्ट लिमिटेडको सेयर आवेदन दिने आज अन्तिम दिन हो । कम्पनीले सर्वसाधारणका लागि जेठ १८ गतेदेखि निष्कासन गरेको सेयर आवेदन आज साँझ ५ बजेबाट सकिन लागेको हो ।
कम्पनीको जारी पूँजी २८ करोडको ३० प्रतिशत अर्थात ८ करोड ४० लाख रकम बराबरको सय रुपैयाँ अंकित ८ लाख ४० हजार कित्ता साधरण सेयर मध्येको ५६ हजार कित्ता वैदेशिक रोजगारीमा रहेका नेपालीहरुका लागि तथा २ लाख ८० हजार कित्ता सेयर प्रभावित क्षेत्रका स्थानीय बासिन्दाका लागि निष्कासन गरी ८७ हजार ६ सय ७० कित्ता सेयर बाँडफाँड गरिएको कम्पनीले जनाएको छ ।
कम्पनीले स्थानीयमा बिक्री नभइ बाँकी रहेको १ लाख ५२ हजार ३ सय ३० कित्ता सेयर थप गरी ६ लाख ५६ हजार ३ सय ३० कित्ता सेयरमध्येको १५ हजार ४७ कित्ता कम्पनीका कर्मचारीका लागि, ३७ हजार ६ सय १६ कित्ता सामूहिक लगानी कोषका लागि बाँडफाँड गरी बाँकी रहेको ६ लाख ४३ हजार ६ सय ६७ कित्ता सेयर सर्वसाधारणका लागि निष्कासन गरेको थियो ।
सर्वसाधारणले न्यूनतम १० कित्तादेखि अधिकतम १० हजार कित्तासम्म आवेदन दिन पाउनेछन् । कम्पनीको सेयर निष्कासन गरी बाँडफाँड गर्न प्रभु क्यापिटल लिमिटेडलाई बिक्री प्रबन्धक तोकिएको छ । कम्पनीको खोटाङमा ३ मेगावाटको माथिल्लो रावा खोला साना जलविद्युत आयोजना सञ्चालनमा छन् भने २.५ मेगावाटको मध्य रावा खोला खोला जलविद्युत आयोजना निर्माणाधीन छन् ।
कम्पनीले निर्माण गरी सञ्चालन गरेको ३ मेगावाटको माथिल्लो रावा खोला साना जलविद्युत आयोजनाको कुल लागत सहित प्रति मेगावाट २१ करोड ५५ लाख रहेको छ र जलविद्युत आयोजनको कुल लागत भने ६४ करोड ६५ लाख रहेको छ ।
