ऊर्जा खबर
काठमाडौं । इलाम जिल्लाको माई खोलामा २ जलविद्युत आयोजना निर्माण गरी सञ्चालनमा ल्याएको हिमाल दोलखा हाइड्रो पावर कम्पनी लिमिटेडले हकप्रद सेयर निष्कासन अनुमतिका लागि नेपाल धितोपत्र बोर्डमा आवेदन दिएको छ । कम्पनीले १ः०.७५ को अनुपातले हकप्रद सेयर निष्कासन अनुमति माग गर्दै पुस २६ गते आवेदन दिएको हो ।
विद्युत नियमन आयोगले निष्कासन अनुमतिपश्चात बोर्डमा अनुमतिका लागि आवेदन पेश गरेको कम्पनीले जनाएको छ । कम्पनीका अनुसार बोर्डले अनुमति दिनेलगतै सेयर निष्कासन गरी बाँडफाँड गरिनेछ ।
कम्पनीको हालको पुँजी १ अर्ब ६० करोड रुपैयाँको प्रति सेयर अंकित १०० रुपैयाँको दरले १ कित्ता सेयरको ०.७५ प्रतिशतको अनुपातमा १ करोड २० लाख कित्ता हकप्रद सेयर निकाष्सन गर्नेछ । कम्पनीको सेयर निष्कासन गरी बाँडफाँड गर्नका लागि लक्ष्मी क्यापिटल मार्केट लिमिटेडलाई बिक्री प्रबन्धक नियुक्त गरेको छ ।
कम्पनीले इलाम जिल्लाको इलाम नगरपालिकामा माई खोला साना जलविद्युत आयोजना (४.५ मेगावाट) र माई नगरपालिकामा रहेको माई साना क्यासकेड जलविद्युत आयोजना (८ मेगावाट) सञ्चालनमा छ ।
