ऊर्जा खबर
काठमाडौं । हाइड्रो इलेक्ट्रिसिटी इन्भेष्टमेन्ट एण्ड डेभलपमेन्ट कम्पनी (एचआइडिसिएल) ले २४ करोड रुपैयाँ ऋण प्रवाह गरेको छ । कम्पनीले निर्माणाधीन तथा निर्माणमा जाने चरणमा रहेका जलविद्युत् आयोजनामा उक्त ऋण प्रवाह गरेको हो ।
कम्पनीले आर्थिक वर्ष (आव) २०८०/८१ को तीन महिनाको अवधिमा यति ऋण प्रवाह गरेको हो । कम्पनीले विभिन्न बैंक तथा वित्तीय संस्थाहरूसँगको सहकार्यमा निजी क्षेत्रले अघि बढाएको जलविद्युत आयोजनामा ऋण प्रवाह गरेकाे हाे ।
यसैगरी, असोजसम्मको अवधिमा जलविद्युत् आयोजनामा प्रवाह भएको कर्जामध्ये समीक्षा अवधिको अन्त्यसम्ममा ७ अर्ब ५७ करोड कर्जा बाँकी रहेको पनि कम्पनीले जनाएको छ । साथै, ३ महिनाको अवधिमा १ अर्ब ८६ करोण रुपैयाँ ऋण असुल गरिएको पनि वित्तीय विवरणमा उल्लेख छ ।
सार्वजनिक तथा निजी क्षेत्रबाट प्रवर्द्धित आयोजनामा ३ अर्ब २३ करोड रुपैयाँ स्वपूँजी लगानी रहेको पनि कम्पनीले जनाएको छ ।
वित्तीय विवरण समिक्षा अवधिको अन्त्यसम्ममा कम्पनीले ले १३४८ मेगावाटका जलविद्युत आयोजनामा १३.३४ अर्ब रुपैयाँ कर्जा स्वीकृत गरिसकेको छ ।
याे पनि पढ्नुहाेस्
