ऊर्जा खबर
काठमाडौं । साल्ट ट्रेनिङ कर्पोरेसन लिमिटेडले स्थापनाकालको ५९ वर्ष पार गरी ६०औं वर्षमा प्रवेश गरेको छ । आज सम्पन्न भएको वार्षिकोत्सवमा साल्ट ट्रेडिङले उपभोक्तालाई शुद्ध र सहुलियत खाद्य तेल उपलब्ध गराउन एस.टी.सि ब्रान्डको तेल उत्पादन गर्ने लक्ष्य लिएको छ ।
सहुलियत दरमा कर्पोरेसनले उपभोक्ताहरुको लागि दैनिक उपभोग्य वस्तु उपलब्ध गर्दै आएको प्रमुख कार्यकारी अधिकृत उर्मिला श्रेष्ठले बताइन् । उनका अनुसार सरकाले सुम्पेको सामाजिक उत्तरदायित्वको कार्यलाई अझै प्रभावकारी बनाउने योेजना रहेको छ ।
‘आपूर्ति र वितरणका क्षेत्रमा उल्लेखनीय भुमिका निर्वाह गर्ने र विषम परिस्थितिका बाबजुद पनि आम उपभोक्ताको सेवामा सदैव सक्रिय रहने छ’ उनले भनिन । कृषि विकासमा योगदान पुर्याउने उद्देश्य अनुसार अनुदानित मलमा मात्र सीमित नभई गैर अनुदानित मल आयत गरी बिक्री वितरण गरिरहेको उनले बताइन ।
कर्पोरेसनले यस वर्षको लक्ष्मीदास बाल हितकारी पुरस्कारको लागि श्री निसहायक बालबालिका सेवा आश्रम इटहरीलाई छनौट गरी ताम्रपत्र सहित ७५ हजार रुपैयाँ नगद प्रदान गरिएको छ । वार्षिकोत्सवको अवसरमा संस्थामा अधिकृत स्तरमा रही उल्लेखनीय काम गर्ने कर्मचारी सबल रिजाल, सहायक स्तरमा काजीबहादुर पराजुली र स्तरबीहीनमा मंगल बहादुर लामालाई इश्वरलाल श्रेष्ठ पुरस्कारबाट उत्कृष्ठ सेवा पुरस्कार सम्मानपत्र सहित ३५ हजार प्रदान गरेकाे छ ।
यस्तै, हेम बहादुर मल्ल पुरस्काबाट अधिकृत स्तरमा रही उल्लेखनीय काम गर्ने कर्मचारी विष्णु प्रसाद न्याैपाने , सहायक स्तरमा रही उल्लेखनिय काम गर्ने तेजबहादुर कार्की र स्तरबीहीनमा रही काम गर्ने राधेश्याम खड्कालाइर् ३० हजार नगद सहित सम्मान प्रदान गरेकाे छ ।
कर्पोरेसनले एस.ई.ई मा उत्कृष्ट अंक ल्याएका कर्मचारीका छोराछोरीलाई पनि सम्मान सहित पुरस्किृत गरेको छ ।
