ऊर्जा खबर
काठमाडौं । बागलुङको बरेङ गाउँपालिका–१ धुल्लुबास्कोटमा रहेको विद्युत् ट्रान्सफर्मरमा चट्याङ परेर क्षति पुग्दा करिब ३ सय घरधुरीमा विद्युत आपूर्ति बन्द भएको छ । गत शनिबार ट्रान्सफर्मर पड्किदा विद्युत आपूर्ति बन्द भएको हो ।
चट्याङले ट्रान्सफर्मरमा क्षति पुर्याउँदा धुल्लुबास्कोटका करिब ३ सय घरधुरी ४ दिनदेखि अन्धकारमा रहेको गाउँपालिकाका अध्यक्ष कृष्णप्रसाद शर्माले बताए । उनका अनुसार विद्युत् आपूर्ति बन्द हुँदा स्थानीयले कुटानीपिसानी, साना घरेलु उद्योग सञ्चालन र सञ्चार सेवा प्रयोग गर्न पाएका छैनन् ।
ट्रान्सफर्मर मर्मतका लागि प्रक्रिया सुरु भएको भए पनि अझै केही दिन लाग्ने भएको छ । धुल्लुबास्कोटमा सामुदायिक विद्युतीकरण मार्फत केन्द्रीय प्रसारण लाइन विस्तार गरिएको थियो ।
क्रियाशील सामुदायिक समितिले अझै समस्या पहिचान गर्न नसकेकोले मर्मत गर्ने वा नयाँ परिवर्तन गर्ने अन्योलमा रहेको पनि शर्माले बताए । वर्षासँगै आएको बाढी, पहिरो र चट्याङले यस क्षेत्रको ट्रान्सफर्मर र प्रसारण लाइनका कैयौँ पोलहरूमा समेत क्षति पुर्याएको छ ।
.jpg)
