ऊर्जा खबर
काठमाडौं । घलेम्दी हाइड्रो पावर कम्पनी साढे ३ करोड रुपैयाँ घाटामा छ । कम्पनीले सार्वजानिक गरेको गत आर्थिक वर्ष २०७८/७९ को वित्तिय विवरण अनुसार कम्पनी घाटामा देखिएको हो ।
असारसम्मको अवधिमा कम्पनी ३ करोड ६० लाख २० हजार २ सउ १२ रुपैयाँ घाटामा रहेको वित्तिय विवरणमा उल्लेख छ । गत वर्षको तुलनामा कम्पनी घाटामा गएको देखिएको हो । गत असार १० गते अाएकाे वर्षासँगैकाे बाढीपहिराेले केन्द्रमा क्षति पुर्याइ एक महिना उत्पादन बन्द हुँदा घाटामा रहेकाे कम्पनीले जनाएकाे छ । गत वर्ष २ करोड ४६ लाख ८१ हजार ४ सय ४० रुपैयाँ खुद नाफा कमाएको थयो ।
कम्पनीेले यस अवधिमा ५ मेगावाटको घलेम्दीको विद्युत बिक्री गरी २ करोड ६२ लाख ४५ हजार ६ सय ५८ रुपैयाँ आम्दानी गरिएको छ । कम्पनीका अनुसार गत वर्षको तुलनामा विद्युत बिक्री बाट भएको आम्दानी घटेको हो । गत वर्ष कम्पनीले विद्युत बिक्री गरी २ करोड ६४ लाख ८ हजार ७ सय ९५ रुपैयाँ आम्दानी गरेको थियो ।
यस्तै, कम्पनीको अन्य स्रोतको आम्दानी गत वर्षको तुलनामा घटेको देखिएको छ । कम्पनीको गत वर्ष ६ करोड ५४ लाख ११ हजार १ सय २२ रुपैयाँ आम्दानी गरेको थियो भने कम्पनीले असारसम्मको अवधिमा अन्य स्रोतबाट ६ सय ५१ रुपैयाँ मात्र आम्दानी गरेको छ ।
कम्पनीको म्याग्दी जिल्लामा रहेको ५ मेगावाटको घलेम्दी खोला जलविद्युत आयोजना सञ्चालनमा छ ।
