ऊर्जा खबर
काडमाडौं । म्याग्दी जिल्लमा ५ मेगावाटको घलेम्दी खोला जलविद्युत आयोजना निर्माण गरी सञ्चालन गरिरहेको घलेम्दी हाइड्रो पावर लिमिटेडले विद्युत बिक्रीबाट २ करोड भन्दा बढी आम्दानी गरेको छ । कम्पनीले सार्वजनिक गरेको वित्तीय विवरण अनुसार आर्थिक वर्ष (आव) २०७९/८० को तेस्रो त्रैमासमा जलविद्युत केन्द्रको बिजुली बेचेर सो आम्दानी गरेको हो ।
साउनदेखि चैतसम्म (नौ महिना) को अवधिमा उत्पादित ५ मेगावाटको बिजुली बेचेर २ करोड २४ लाख ६६ हजार १ सय ४५ रुपैयाँ आम्दानी गरेको कम्पनीले जनाएको छ । कम्पनीका अनुसार गत वर्षको तुलनामा विद्युत बिक्रीबाट हुने आम्दानी घटेको हो । गत वर्ष यही समयअवधिमा ३ करोड १० लाख ५९ हजार ८ सय ७६ रुपैयाँ आम्दानी गरेको थियो ।
जलविद्युत केन्द्रबाट हुने आम्दनी घटेपछि कम्पनी घाटामा गएको देखिएको छ । गत वर्ष १ करोड ६ लाख ७७ हजार ३ सय ९२ रुपैयाँले घाटामा रहेको यो कम्पनी यो वर्ष पनि १ करोड ५५ लाख २० हजार ९ सय ६७ रुपैयाँले घाटामा रहेको सार्वजनिक वित्तीय विवरणमा उल्लेख छ ।
कम्पनीद्वारा निर्माण गरिएको ५ मेगावाटाको घलेम्दी खोला जलविद्युत आयोजनामा २०७९ साल असारमा पहिरो खस्न गई पेनस्टक पाइपमा ठुलो क्षति पुगेको थियो । यसै त्रैमासिकमा उक्त क्षतिको इन्सुरेन्स कम्पनीबाट आउनुपर्ने सम्पूर्ण क्षतिपुर्ति पाएको कम्पनीले जनाकारी दिएको छ ।
.jpg){kind=spacer}
