ऊर्जा खबर
काठमाडौं । डोल्पा जिल्लाको डोल्पोबुद्ध गाउँपालिकाको १२८ परिवारलाई निशुल्क सौर्य ऊर्जा प्रविधिका उपकरण वितरण गरिएको छ । राष्ट्रिय प्रसारण प्रणालीको विद्युत पहुँच नपुगेको गाउँपालिकाको वडा नम्बर ६ मा निशुल्क सोलार वितरण गरिएको हो ।
सौर्य विद्युत उत्पादन गरि उपयोग गर्ने उपकरण निशुल्क वितरण गरिएको वडा अध्यक्ष नुर्बु डम्डुल गुरुङले बताए । उनका अनुसार गाउँपालिकाको वडा नम्बर ६ का १२८ घरधुरीमा ५० वाटको सोलार जडान गरिएको छ ।
कादुरी नामक संस्थाको सहयोगमा वडाका सम्पूर्ण घरधुरीलाई निशुल्क सोलार प्रदान गरिएको हो । संस्थाले सोलार खरिद गरेर जाजरकोटको नलगाड नगरपालिका–१२ सम्म ल्याएदिएको थियाे । यसपछि स्थानीय आफैले ढुवानी गरेर सोलार जडान गरिएको हो ।
वर्षौदेखि टुकी र दियालोको भरमा गुजरा चलाउादै आएको गाउँमा सोलार उपकरण जडान भएपनि पढ्न, रातिको कामकामज गर्न, खाना पकाउन सजिलो भएको स्थानीयले बताए ।
