ऊर्जा खबर
.jpg)
काठमाडौं । विद्युत नियमन आयोगले ३ हाइड्रो पावर कम्पनीलाई हकप्रद सेयर निष्कासन अनुमति दिएको छ । आयोगले ङादी ग्रुप पावर लिमिटेड, बरुण हाइड्रो पावर कम्पनी र राधी जलविद्युत कम्पनीलाई हकप्रद सेयर निष्कासन अनुमति दिएको हो ।
ङादीले १ करोड ६ लाख ३ हजार ९ सय ८६ कित्ता र बरुण हाइड्रो पावरलाई २६ लाख ७९ हजार ७५ कित्ता सेयर निष्कासन गर्न अनुमति दिएको आयोगले जनाएको छ ।
आयोगका अनुसार ङादी ग्रुपले कुल चुक्ता पुँजी ७० करोड ६९ लाख ३२ हजार ४ सयको १ः१.५ को अनुपातले हुने १ अर्ब ६ करोड ३ लाख ९८ हजार ६ सय रुपैयाँ बराबरको हकप्रद सेयर निष्कासन गर्न अनुमति दिइएको हो । कम्पनीको ५ मेगावाटको सिउरी खोला सञ्चालनमा छ ।
यस्तै, बरुण हाइड्रोले कुल चुक्ता पुँजी २६ करोड ७९ लाख ७ हजार ५ सय रुपैयाँ बराबरको १.१ को अनुपातमा २६ करोड ७९ लाख ७ हजार ५ सय रुपैयाँको हकप्रद सेयर निष्कासन गर्ने तयारी गरेको छ । कम्पनीको ४.४४५ मेगावाटको हेवा खोलाले विद्युत उत्पादन गरिरहेको छ ।
यस्तै, राधी विद्युत कम्पनीले आयोगबाट चुक्तापुँजी ६४ करोड ६४ लाख ४ हजार ६२२ रुपैयाँको १ः१४७५२ अनुपातमा हकप्रद सेयर निष्कासनको अनुमति पाएको हो ।
