ऊर्जा खबर
काठमाडौं । अप्पर तामाकोसी हाइड्रो पावर लिमिटेडको वार्षिक साधारण सभा भदौ ३ गते हुने भएको छ । सञ्चालक समितीको गत असार ३० गते बसेको बैठकले कम्पनीको विशेष साधारण सभाको मिती तय गरेको हो ।
कम्पनीका अनुसार साधारणसभामा अधिकृत तथा जारी पूँजी वृद्धि गर्ने विषयमा छलफल गरी पारित गरिनेछ । साथै, आर्थिक वर्ष २०७९/८० का लागि लेखा परीक्षक नियुक्त गरी पारिश्रमिक समेत निर्धारण गर्ने जनाइएको छ । कम्पनीले आयोजना गरेको साधारणसभा भदौ ३ गते (शुक्रबार) बिहान ११ बजे नेपाल प्रज्ञा प्रतिष्ठानमा हुनेछ ।
साधारणसभाले देशकै ठूलो ४५६ मेगावाटको माथिल्लो तामाकोसी जलविद्युत् आयोजनाकाे १० करोड ५९ लाख १ (१ बराबर १) कित्ता हकप्रद सेयर निष्कासन गर्ने प्रस्ताव पारित गर्नेछ । हाल कम्पनीको चुक्ता पुँजी १० अर्ब ५९ करोड १०० रुपैयाँ रहेकोमा उल्लेखित अनुपातमा हकप्रद सेयर जारी गरेपछि २१ अर्ब १८ करोड २०० रुपैयाँ हुनेछ ।
कम्पनीमा नेपाल विद्युत् प्राधिकरणको ४१ प्रतिशत, नेपाल टेलिकमको ६ प्रतिशत, नागरिक लगानी कोषको २ प्रतिशत र राष्ट्रिय बिमा संस्थानको २ प्रतिशत लगानीका संस्थापक रहेका छन् । यस्तै, सर्वसाधारणको १५ प्रतिशत, दोलखा जिल्लाबासीको १० प्रतिशत तथा २४ प्रतिशत कर्मचारी सञ्चय कोषका सञ्चयकर्ताको लगानी छ ।
.jpg)
.png)
