जेसिबीले ठक्कर दिएर पोल भाँचिदा खैरेनी क्षेत्रको विद्युत सेवा अवरुद्ध

काठमाडौं । रुपेन्देहीको खैरेनीमा जेसिबीले ठक्कर दिएर पोल भाँचिदा खैरेनी क्षेत्रको विद्युत सेवा अवरुद्ध भएको छ । सुनवलको ज्यामीरेबाट बुटवलतर्फ जाँदै गरेको लु १ क ५१४४ नम्बरको जेसीबीले पोललाई ठक्कर दिएर पाेल भाँचिदा सेवा अवरुद्ध भएको हो ।

आइतबार साँझ गुल्मी घर बताउने १८ बर्षिय मिलन खत्रीले चलाएको जेसीवीले विजुलीको पोललाई ठक्कर दिएको नेपाल विद्युत प्राधिकरण बुटवल वितरण केन्द्र प्रमुख सुरेश कुमार महतोले बताए । उनका अनुसार पोल पूर्ण रुपमा क्षतिग्रस्त भएको छ ।

‘पोल बिच भागमै भाँचिएको छ’, उनले भने, ‘नयाँ पोल व्यवस्था गर्नुपर्ने भएकोले सेवा सूचारु गर्न नसकिएको हो ।’ अहिले पोल गाड्नलाई जग खन्ने काम सकिएको छ । अब पोल ठड्याएर आज साँझसम्म सेवा सुरु गर्नेगरी काम भइरहेको पनि महतोले बताए । सेवा हिजो साँझ ७ बजेदेखि बन्द छ ।