ऊर्जा खबर
काठमाडाैं । चिलिमे हाइड्रो पावर कम्पनीले सेयरधनीलाई लाभांश दिने घोषणा गरेको छ । कम्पनीले गत आर्थिक वर्षसम्मको नाफाबाट सेयरधनीलाई चुक्ता पुँजीको ५ प्रतिशत नगद र १० प्रतिशत सेयर बोनससहित १५ प्रतिशत लाभांश घोषणा गरेको हो ।
त्यस्तै कम्पनीले सो लाभांश पारित गर्नका लागि पुस २० गते साधारणसभा बोलाएको छ । यसका लागि पुस ८ गते सेयरधनी दर्ता किताब बन्द हुने भएको छ । पुस ७ गतेसम्म कायम सेयरधनीले कम्पनीको लाभांश पाउनेछन् ।
नेपाल विद्युत प्राधिकरणकाे ५१ प्रतिशत सेयर सहित सर्वसाधारणको ३९ प्रतिशत र आयोजना प्रभावित स्थानिय नागरिकको १० प्रतिशत शेयर रहेको २२.१ मेगावाटको यो आयोजना रसुवा जिल्लामा रहेको छ ।
