ऊर्जा खबर
काठमाडौं । नर्बेले काठमाडौं विश्व विद्यालयलाई साढे ३० करोड रुपैयाँ बढी आर्थिक सहयोग उपलब्ध गराउने भएको छ । नर्बेले अध्ययन अनुसन्धानका लागि विश्व विद्यालयलाई ३० करोड ६० लाख रुपैयाँ आर्थिक सहयोग उपलब्ध गराउने भएको हो ।
नेपालस्थित नर्बेजियन दुतावास र विश्व विद्यायबीच गत मंगलबार सहयोग सम्बन्धि सम्झौतामा हस्ताक्षर भएको छ । सम्झौतामा विश्व विद्यालयका उपकुलपति डा. भोला थापा र दुतावासका राजदूत तोरुन द्राम्दालले हस्ताक्षर गरे ।
यो सम्झौता ३९ महिनाका लागि मान्य हुनेछ । यो यसअघि भएको सम्झौताको निरन्तरता भएको विश्व विद्यालयले जनाएको छ ।
सम्झौताअनुसार नर्बेले ‘इनर्जाइज नेपाल’ कार्यक्रम अन्तर्गत विश्व विद्यालयलाई थप १२ वटा एकेडेमिक अनुसन्धान कार्यक्रम र १० वटा ‘बिजनेस आइडिया’ कार्यक्रमका लागि खर्च हुनेछ ।
यो कार्यक्रमबाट १५ जना पिएचडी र ३० जना एमएससी अध्ययनरत विद्यार्थीको अध्ययन अनुसन्धानमा सहयोग पुग्ने विश्व विद्यालयले जनाएको छ ।
सन् २०१६ को जुलाईदेखि विश्व विद्यालयले ‘इनर्जाइज नेपाल’ कार्यक्रम सञ्चालन गरिरहेको छ ।
