ऊर्जा खबर
काठमाडौं । भोजपुरको चिरख्वा खोलामा ४.७ मेगावाटको माथिल्लो चिरख्वा र ४.०७ मेगावाटको तल्लो चिरख्वा जलविद्युत आयोजना निर्माण गरिरहेको चिरख्वा खोला हाइड्रो पावर कम्पनी लिमिटेले १२ लाख कित्ता सेयर निष्कासन अनुमतिका लागि नेपाल धितोपत्र बोर्डमा आवेदन दिएको छ । कम्पनीले सर्वसाधरण र स्थानीयको लागि साधरण सेयर निष्कासन गर्न २०७९ कात्तिक १७ गते आवेदन दिएको हो ।
सय रुपैयाँ अंकित १२ करोड बराबरको १२ लाख कित्ता सेयर निष्कासन गर्न लागको कम्पनीले जनाएको छ । कम्पनीका अनुसर बोर्डबाट अनुमति पाउने लगतै सेयर निष्कासन गरिनेछ ।
पहिलो चरणमा आयाेजना प्रभावित स्थानीयको लागि सेयर निष्कासन गरी बाँडफाँड गरिने छ । दोस्रो चरणमा सर्वसाधरणका लागि निष्कासन गरिनेछ ।
कम्पनीको सेयर निष्कासन गरी बाँडफाँड गर्न आरबीबी मर्चेन्ट बैंकिङ लिमिटेड लाई बिक्री प्रबन्धक तोकिएको छ ।
