ऊर्जा खबर
काठमाडौं । नबिल बैंकले ‘शम्भु प्रसाद पौड्याल छात्रावृत्ति’ सुरु गरेको छ । बैकले पूर्व अध्यक्ष स्व. शम्भु प्रसाद पौड्यालको सम्झनामा यसै वर्षबाट बैंकका कर्मचारी परिवारको लागि सो छात्रवृत्ति सुरु गरेको हो ।
कर्मचारीको हित र विकासका निम्ती लागि पर्दै आएको स्व. पौड्यालले लामो समय देखि संचालन समितिमा योगदान गर्दै आएका थिए । छात्रवृत्ति कार्यक्रममा प्रत्येक बर्ष बैंकका सम्पूर्ण कर्मचारीले राष्ट्रिय परिक्षाबोर्डको +२ तहमा उत्कृष्ट नतिजा ल्याउने मेहेनती तथा जेहेन्दार सन्तानका नाम मनोनयन गर्नेछ । उच्च शिक्षाको लागि प्रोत्साहन गर्ने उदेश्य सहित बैंकले यो कार्यक्रम ल्याएको हो ।
मनोनित कर्मचारी परिवारका सन्तानबाट उत्कृष्ट नतिजा ल्याउने २ जना पुरुष र २ जना महिलालाई पुरस्कार प्रदान गरिने बैंकले जनाएको छ । प्रत्येक विजेता कर्मचारीका सन्तानलाई ५० हजार पुरस्कार प्रदान गरिनेछ ।
बैंकले आर्थिक वर्ष २०७७/७८ का लागि कर्मचारी उदय राज खनालकी छोरी उनिका खनाल, कर्मचारी सन्देश राज भट्टराईका छोरा दिपसन भट्टराई, र कर्मचारी मुरारी प्रसाद अर्यालका छोरी मुकुल अर्याललाई माथि उल्लेखित आधारमा छात्रवृत्ति प्रदान गरेको छ ।
प्रधान कार्यालयमा आयोजित एक औपचारिक कार्यक्रममा बैंकका अध्यक्ष उपेन्द्र प्रसाद पौड्यालले बैंकका सञ्चालक समितिका सदस्यहरु, कर्मचारीहरु र पूर्व अध्यक्षका परिवार र छात्रवृत्ति विजेताको अभिभावकको उपस्थितिमा तीनै विजेताहरुलाई छात्रवृत्तिको रकम सहित प्रशंसा पत्र हस्तान्तरण गरेका छन् ।
अध्यक्ष पौड्यालले स्व. शम्भुप्रसाद पौड्यालले बैंकलाई पुर्याएको लामो योगदानको उच्च प्रशंसा गर्दै उक्त योगदान अत्यन्त महत्वपूर्ण र अविस्मरणीय रहेको बताए ।
.jpg)