ऊर्जा खबर
काठमाडौं । नेपाल हाइड्रो डेभलपर्स लिमिटेडले साढे ३ करोड रुपैयाँ खुद नाफा कमाएको छ । कम्पनीले सार्वजनिक गरेको वित्तीय विवरण अनुसार आर्थिक वर्ष २०७९/८० को तेस्रो त्रैमाससम्ममा सो नाफा कमाएको हो ।
कम्पनीले साउनदेखि चैतसम्मको अवधिमा ३ करोड ५५ लाख ८० हजार रुपैयाँ खुद नाफा कमाएको सार्वजनिक वित्तीय विवरणमा उल्लेख छ । गत वर्षको तुलनामा कम्पनीको नाफा बढेको देखिएको छ । गत वर्ष २ करोड ८६ लाख ८२ हजार रुपैयाँ नाफा कमाएको थयो ।
कम्पनीले यो अवधिमा ३.५२ मेगवाट चनरावती खोला जलविद्युत केन्द्रको विद्युत बिक्री गरी ८ करोड १९ लाख ९८ हजार रुपैयाँ आम्दानी गरेको छ । गत वर्ष यही समयअवधिमा ७ करोड ५६ लाख ८९ हजार रुपैयाँ आम्दानी गरेके थियो ।
कम्पनीको दोलखामा निर्माण सम्पन्न गरेको आयोजनाले २०७० जेठ २४ गतेदेखि निरन्तर विद्युत उत्पादन गरिरहेको छ ।
