ऊर्जा खबर
काठमाडौँ । पियोर इनर्जी लिमिटेडले सर्वसाधारणका लागि बिहीबारदेखि सेयरको प्राभिक सार्वजनिक निष्काशन (आइपिओ) गरी आवेदन तथा बिक्री खुला गरेको छ । यसअघि कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरूका लागि आइपिओ जारी गरी सेयर बाँडफाट गरेको थियो ।
कम्पनीले सर्वसाधारणका लागि प्रतिकित्ता १०० रुपैयाँ अंकित मूल्यमा ११ करोड ९५ लाख २० हजार रुपैयाँ बराबरको ११ लाख ९५ हजार २०० कित्ता सेयर निष्काशन गर्न गरेको हो ।
कम्पनीको कुल चुक्ता पुँजी ८० करोड रहेको छ । जसमध्ये संस्थापकको ८० प्रतिशत स्वामित्व रहेको छ भने २० प्रतिशत सेयर सर्वसाधारणको लागि निष्कासन हुन लागेको हो ।
पियोर इनर्जी गोल्यान ग्रुप अन्तर्गतको सोलार कम्पनी हो । कम्पनीले बाँकेमा १० मेगावाटको दुईवटा सोलार आयेजना सञ्चालन गरिरहेको छ । कम्पनीको २ वटै आयोजनाले २०८० सालदेखि नै व्यापारिक उत्पादन गरिरहेको छ ।
कम्पनीको सेयर निष्कासन तथा बिक्री प्रबन्धक रहेको नबिल इन्भेष्टमेन्ट बैकिङ्ग लिमिटेडले आइपिओमा आवेदन खुला गरेको हो ।
