ऊर्जा खबर
काठमाडौं । सानिमा मिडिल तमोर हाइड्रो पावर कम्पनी लिमिटेडको सेयर आवेदन खुल्ला भएको छ । कम्पनीले सर्वसाधारणका लागि छुट्याएको ४२ लाख कित्ता सेयर आवेदन खुल्ला गरेको हो ।
प्रभावित स्थानीय र वैदेशिक रोजगारीमा गएका नेपाली नागरिकका लागि निष्कासन तथा बाँडफाँड गरी बाँकी रहेको ४२ लाख ४८ हजार ९ सय ३८ कित्ता सेयर निष्कासन गरेको कम्पनीले जनाएको छ । कम्पनीका अनुसार सर्वसाधारणले न्यूनतम १० कित्ता अधिकतम २० हजार कित्ता सम्म आवेदन दिन सक्नेछन ।
सर्वसाधारणले छिटोमा फागुन ३० गतेसम्म र ढिलोमा चैत १२ गतेसम्म आवेदन दिन पाउनेछन । कम्पनीको सेयर निष्कासन तथा बाँडफाँड गर्न सानिमा क्यापिटल लिमिटेडलाई बिक्रीप्रबन्धक तोकिएको छ ।
कम्पनीले पहिलो चरणमा प्रभावित स्थानीय र वैदेशिक रोजगारीमा गएका नेपाली नागरिकका लागि सेयर निष्कासन तथा बाँडफाँड गरी दोस्रो चरणमा सर्वसाधारणका लागि निष्कासन गरेको हो । कम्पनीले ताप्लेजुङमा ७३ मेगावाटको मध्य तमोर जलविद्युत आयोजना निर्माण गरिरहेको छ ।
.jpg)
.jpg)
