सुपर मादी हाइड्रोपावरले ५ प्रतिशत बोनस शेयर दिने 

काठमाडौँ । सुपर मादी हाइड्रोपावर लिमिटेडले  आफ्ना शेयर धनीलाई ५ प्रतिशतका दरले बोनस शेयर बितरण गर्ने भएको छ ।

कम्पनी सञ्चालक समितिको मङलबार बसेको बैठकले आर्थिक वर्ष २०८०/८१ को सञ्चित मुनाफाबाट उक्त बोनस शेयर बितरण गर्ने निर्णय गरेको हो । यस अनुसार हाल कम्पनीको कायम चुक्तम पूँजी २ अर्ब १० करोडको ५ प्रतिशतले हुन आउने १० करोड ५० लाख बराबरका १० लाख ५० हजार कित्ता बोनस शेयर बितरण गरिने छ । साथै यसको कर प्रयोजनका लागि ०.२६३१५ प्रतिशतका दरले हुन आउने ५५ लाख २६ हजार ३१६ रूपैयाँ नगद लाभांश बितरण गर्ने भएको छ । 
कम्पनीको साधारणसभा कात्तिक ५ गते हुने भएकोले असोज १६ गते देखि शेयर धनी दर्ता किताब बन्द (बुक क्लोज) रहने जानकारी दिइएको छ ।  

कम्पनीले कास्कीको मादी गाँउपालिकामा निर्माण सम्पन्न गरेको ४४ मेगावाटको सुपर मादी जलविद्युत् केन्द्र सञ्चालन गरिरहेको छ ।