१३२/११ केभी कुँडहर सबस्टेसनबाट वितरण हुने विद्युत् सेवा बन्द हुँदै

काठमाडौं । नेपाल विद्युत् प्राधिकरण, पोखरा ग्रिड महाशाखाले कुँडहर सवस्टेसनमा ११ केभी वसबार मर्मत सम्भार गर्ने भएको छ । केन्द्रले १३२/११ केभी सबस्टेसनबाट निस्केको सबै फिडरको विद्युत् आपूर्ति बन्द गरी मर्मत कार्य गर्ने भएको हो ।

शुक्रबार (कात्तिक २४ गते) दिउँसो १ बजेदेखि ४ बजेसम्म कुँडहर १३२/११ केभी सवस्टेसनबाट सञ्चालित ११ केभी अन्तर्राष्ट्रिय एयरपोर्ट, सिटी, गलेश्वर, टास्क हाइड्रो, तातोपानी, फेवा, पोखरा औधोगीक क्षेत्र, एयरपोर्ट तथा बैदाम फिडरबाट वितरण  भएको सेवा बन्द हुने पोखरा वितरण केन्द्र प्रमुख राजिवकुमार सिहले बताए । सेवा बन्दा हुँदा यी फिडरबाट वितरण हुने सबै क्षेत्र प्रभावित हुनेछ ।

मर्मत कार्य समय अगावै सकिएमा तोकिएको समय भन्दा अगाडी नै लाइन सुचारु हुने केन्द्रले जनाएको छ ।