ऊर्जा खबर
काठमाडौं । सगरमाथा जलविद्युत् कम्पनी लिमिटेडले बिजुली बेचेर करिब ११ करोड रुपैयाँ आम्दानी गरेको छ । कम्पनीले आर्थिक वर्ष २०८०/८१ को ३ महिनाको अवधिमा सो आम्दानी गरेको हो ।
साउनदेखि असोजसम्मको अवधिमा १० करोड ७७ लाख ५८ हजार ३ सय रुपैयाँ आम्दानी गरेको कम्पनीले जनाएको छ । कम्पनीका अनुसार गत वर्षको यहि समयअवधिकाे तुलनामा विद्युत् बिक्रीबाट हुने आम्दानी बढेको हो । गत वर्ष यही समयअवधिमा कम्पनीले १० करोड ३३ लाख ४३ हजार २ सय रुपैयाँ आम्दानी गरेको थियो ।
विद्युत् बिक्रीबाट हुने आम्दानी बढेसँगै कम्पनीको खुद नाफा पनि बढेको छ । कम्पनीले यो अवधिमा ५ करोड ४२ लाख २७ लाख ३ सय ४० रुपैयाँ खुद नाफा कमाएको छ । गत वर्ष यो अवधिमा कम्पनीले ४ करोड ७० लाख ६४ हजार ५ सय ६७ रुपैयाँ खुद नाफा कमाएको थियो । कम्पनीको इलाममा ९.६ मेगावाटको सुपरमाई ‘ए’ जलविद्युत् आयोजना सञ्चालनमा छ ।
