बाराही हाइड्रोको ९ औं वार्षिक साधारण सभा असाेज १८ गते हुँदै 

काठमाडौँ । बाराही हाइड्रोपावर पब्लिक लिमिटेडको ९ औँ वार्षिक साधारण सभा असाेज १८ गते हुने भएकाे छ । भदाै २३ गते बसेको सञ्चालक समिति बैठकले साधारण सभाकाे मिति र स्थान तय गरेकाे कम्पनीले जनाएकाे छ । 

कम्पनीले सभामा अध्यक्षबाट प्रस्तुत आर्थिक वर्ष २०८०/८१ को वार्षिक प्रतिवेदन छलफल गरी पारित गर्ने जानकारी दिएकाे छ । त्यस्तै लेखापरीक्षकको प्रतिवेदन सहितको २०८१ असार मसान्तसम्मको वार्षिक आम्दानी–खर्चको विवरण र आव २०८०/८१ को नाफा–नोक्सान हिसाब तथा नगद प्रवाह विवरणसम्बन्धी छलफल गर्ने जनाएको छ । साथै २०८१/८२ का लागि लेखापरीक्षकको नियुक्ति गर्ने र निजको पारिश्रमिकसमेत सभाले तय गर्ने भएको छ । 

साधारण सभा काठमाडाैँकाे स्युचाटारस्थित गौरव इभेन्ट्स, गौतम प्लाजामा बिहान ८ बजे हुने जानकारी गराएको छ । 

कम्पनीले बाग्लुङ जिल्लाको कुस्मिसेरामा १.५ मेगावाटको ठेउले खोला जलविद्युत केन्द्र सञ्चालन गरिरहेको छ । केन्द्रले २०७५ असार २४ गतेदेखि निरन्तर विद्युत् उत्पदन गरिरहेको छ ।